دير بالك على نفسك

دير بالك على نفسك
دير بالك على طولك
دير بالك عالمدينه

الفقر باجر يجينا

شايل بكفه ارامل
شايل بكفه يتامى

شايل بكفه نعش اجمل حمامه

الفقر من يجي يعني القحط جاي
يعني ماكو بدجلة ماي

الفقر باجر يجي يزور الشوارع
سدو ابواب الكنائس والجوامع

وأخفوا هاي اطفالكم وسط الصدور
الفقر من يجي يغتال الزهور

ويكدر يغير ملامح هالحياة
وحتى يتلاعب بأوقات الممات

وأكو جاهل بس فقير -- بالرسم ايده خفيفه
راد يرسم مره ورده - انقلبت الورده قذيفة

وليش تبعدها؟ من السياب مات
شيعوه خمسه اصدقائه
والمطر سادسهم بلهفة يطير

هو لأن بي مرض مات؟؟
لا
بس لأن كلش فقير