تمنيتك ترد ويه اليردّون - گلب امك تعب ويريد ملگه
وليلي اعلى رسمك تغفى العيون - وتبات الروح بوسادة الفرگه
صرت موقد جمر واشتدت الريح - وخيالك لو سراب اركض وأشبگه
و من يضيج خلگي بوكت الغروب - اگول وليدي يمكن ضاج خلگة
وبأخر احچايه گال لو يوم- چف وداعنه بابچ يدگه
لاتبچين يمه تباهي بالزين - وماريد الدمع خدچ يغرگه
وتفارگنه ووصيته تعذب الروح " لاتبچين لو صارت الفرگة"
صرت كاغدعليّا اندارت النار - ونار وكاغد تعوفه؟؟ ... تحرگه
وها هسه يجي وامصبرة العيون - وشباك الحزن بچفوفي اغلگه
وروحي تحضرت مشتهيه ملگاك - وشوگ الروح ياشوگ اليسبگه
ولن ورقة وفاتك وصلت البيت - خبر موتك يايمة شلون اصدگه؟؟؟؟
استشهد بالأسر مايحمل فراگ - تعنى وعلى الموت وبابه دگه